ജീവിത പരീക്ഷ താളുകളില്‍ എന്നും.
ത്രിവര്‍ണ്ണങ്ങള്‍ മാത്രമെനിക്കു സ്വന്തം...

ചോദ്യ കടലാസിലെ വെളുപ്പും..
അതിലെന്നെ തുറിച്ചുനോക്കുന്ന
അക്ഷരങ്ങളുടെ കറുപ്പും...

ഉത്തര കടലാസിലെ
കുറ്റപ്പെടുത്തലിന്റെ ചുവപ്പും....

ഇന്നലെ...
നീ എഴുതി മടുത്ത..
ചുരുട്ടിയെറിഞ്ഞ..
ഇന്നലെകളുടെ ചുളിവു വീണ..
വെറുമൊരു കടലാസാണു ഞാന്‍....

ഇന്ന്‌...
നിന്‍റെ അടുപ്പിലെ
പുകയുന്ന കനലുകള്‍ക്ക്
ഞാനഗ്നിയായാളി പടര്‍ന്നപ്പോള്‍

എന്നില്‍
നീയെഴുതിയ വാക്കുകള്‍ക്ക്
മരണം...!!