ഇന്നലെ പെയ്ത മഴയിലെ
വെറും കുമിളകള്!
എന്റെ സാന്നിദ്ധ്യം നിനക്കും
നിന്റെ സാന്നിദ്ധ്യം എനിക്കും
അനുഭവിക്കാത്ത വണ്ണം
പൊട്ടിയൊലിച്ചവര്....
ഞാനും നീയും
ആമ്പലും സൂര്യനും പോല്!
പരസ്പരം നോക്കാന് മടിച്ചവര്.
വെയിലേല്ക്കാതെ വാടിക്കരിഞ്ഞപ്പോള്
ഒരു തുള്ളി പോലും കുടിക്കാന്
മറന്നവര്.
ഞാനും നീയും
അരയാലിന്റെ വേരുപോല്!
കെട്ടിപ്പിണഞ്ഞ് പുണരേണ്ടവര്.
എന്നിട്ടും അങ്ങ് ദൂരെ
മഴയുടെ ഞരക്കവും കേട്ട്
ഇടിയും മിന്നലും പോല്
വഴിമാറി നടന്നവര്....
