നിറങ്ങളുടെ മോഹിപ്പിക്കുന്ന കൂട്ടം.
ഒരുപാട് തരം നിറങ്ങള്‍.....
ചുമപ്പും പച്ചയും നീലയും മഞ്ഞയും ....
കടുംനിറമുള്ള ചായങ്ങള്‍ കൊണ്ടൊരു ലോകം ...
നിറങ്ങളുടെയും ചായപെന്‍സില്‍ തുമ്പിന്റെയും
ഇടയില്‍ പറയാതെ പറയുന്ന
കുറെ നിറമുള്ള സ്വപ്‌നങ്ങള്‍ ....
ആ സ്വപ്നങ്ങളിലേക്ക്‌ ഞാനിന്നും
കണ്ണുംനട്ടു നോക്കിയിരിക്കുന്നു....
എന്നെങ്കിലും ഈ നിറങ്ങള്‍ക്ക്
രൂപങ്ങള്‍ ഉണ്ടാകുമോ ??
ആ രൂപങ്ങള്‍ക്ക്‌ നിറങ്ങള്‍
കൊണ്ടൊരു ജീവന്‍ പകരാനാകുമോ ??
അതോ ജലകണങ്ങളില്‍
അറിയാതെ വീണുപോയ
മഴവില്ല് പോലെ അര്‍ത്ഥമില്ലാത്ത
അപൂര്‍ണമായ വരകളായി മാത്രം
അവശേഷിക്കുമോ...
ഒട്ടും നിറം പിടിപ്പിക്കാത്ത
എന്റെ സ്വപ്‌നങ്ങളും?????
