മേഘങ്ങൾ തമ്മിൽ
പുണർന്നപ്പോൾ
ചരടറ്റുപോയ
മാലയില്‍ നിന്നും
ഒന്നിനു പിറകെ
മറ്റൊന്നായി
ഊര്‍ന്നു വീണ
മുത്തവൾ...
ഇലത്തുമ്പിലിരുന്നപ്പോൾ
വൈഡൂര്യമായിരുന്നവൾ.,
കാറ്റതറിയാതെ
തട്ടിത്തൂവിയപ്പോൾ
ഉള്ളിലൊളിപ്പിച്ച
മഴവിൽ ചന്തം പൊലിഞ്ഞതും
പളുങ്കുമേനി പൊട്ടിച്ചിതറി തെറിച്ചതും.,
മണ്ണോടു ചേർന്നു
വെറുമൊരു മഴത്തുള്ളിയായ് മാറിയവൾ
ഭൂമിതൻ മാറിലൊളിച്ചു
മനുജന് ചുരന്നെടുക്കാനായ്...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ