എല്ലാം പെട്ടെന്നായിരുന്നു!
എല്ലാം പെട്ടെന്നായിരുന്നുഈ ലോകം
ഇത്ര ചുരുങ്ങി പോയതും .
അനേകം മുറികളുള്ള തറവാട്ടില്‍ നിന്നും
നരകമാ നഗരത്തിലെ ഒറ്റമുറി ഇരുട്ടിലേക്ക് വലിച്ചെറിയപ്പെട്ടതും .
എത്ര പെട്ടന്നാണ്
നാലാളറിഞ്ഞതും ,
പൂവും പ്രാർത്ഥനയുമായി
നാടാകെ തടിച്ചു കൂടി കൈ കഴുകിയതും .
പുതിയ കിടപ്പുമുറി കണ്ടു കൊതി തീര്‍ന്നതും..
പെട്ടന്നുതന്നെ
അവസാനത്തെ മുറിയില്‍ വാതിലടഞ്ഞതും
മുകളിൽ മണ്ണുവീണതും,
ലോകമെന്റെ കാല്‍ക്കീഴിലെന്നഹങ്കാരo നിലച്ചതും
ഓര്‍മ്മ തെളിച്ച മെഴുകുതിരികളെല്ലാം
കരഞ്ഞു തീർന്നുറച്ചതും ...
എല്ലാമെല്ലാo.....
പെട്ടന്നുതന്നെയായിരുന്നു..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ