കളികള് ഏറെയുണ്ടായിരുന്നു ഒരു കാലത്ത് . പന്ത് കളി , കുട്ടിയും കോലും ,
തൊട്ടുമണ്ടിക്കളി , സാറ്റ് , പമ്പരംഏറ് , ഗോലി കളി , കക്ക്, കൊത്തം കല്ല് ,
വള്ളിച്ചാട്ടം , അമ്മാനമാടല് , കുറ്റിപ്പുര കെട്ടി ചോറും കറിയും വെക്കല്
.. അങ്ങനെയങ്ങനെ .സ്കൂള് വിട്ടുവന്ന പാടെ വല്ലതും കഴിച്ചെന്നു വരുത്തി ,
പാടത്തെക്കോ , പറമ്പിലേക്കോ , കളിക്കളങ്ങളിലേക്കോ വീടിന്റെ
പിന്വശത്തെക്കോ ഓട്ടം. പിന്നെ കൂട്ടുകാരോടൊപ്പം മതിമറന്നു കളിച്ചു
കൂത്താടി ശരീരം മുഴുവന് മണ്ണും ചെളിയുമായി കാലിലും തുടയിലുമൊക്കെ
പോറലുകളും മുറിയലുകളുമായി സന്ധ്യയോടെ വീട്ടില് എത്തിയിരുന്ന കുസൃതി നിറഞ്ഞ
കാലം . മറക്കാന് കഴിയാത്ത , ഓര്മ്മയില് പോലും മധുരം നിറയുന്ന ബാല്യ
കാലം ..കുട്ടിക്കാലത്തെ ഓര്മ്മിപ്പിക്കുന്ന ഒരു ചിത്രം , ഒരു കവിത ,
ഒരോര്മ്മ ഇതൊക്കെ ആ കാലത്തെ നമ്മുടെ മനസ്സിലേക്ക് കൂട്ടിക്കൊണ്ട് പോകും…
നാം അറിയാതെ അല്പനേരം അന്നത്തെ ആ കുട്ടിയായി മാറും . മനസ്സില് നിന്ന്
ഒരിക്കലും പടിയിറങ്ങി പോകാത്ത ഗൃഹാതുര സ്മരണയായി ബാല്യകാലം ഉള്ളില്
കിടന്നു ഓളം വെട്ടും......
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ